Rydym yn falch o gyhoeddi bod lleoedd ychwanegol bellach ar gael ar gyfer ein digwyddiad Empower: Merched mewn Seiber sydd ar ddod yn Ysgol Dechnolegau Prifysgol Metropolitan Caerdydd, Llandaf, ddydd Iau 27 Mehefin 2025.
Mae’r diwrnod ysbrydoledig hwn wedi’i gynllunio ar gyfer merched Blwyddyn 10 i archwilio byd seiberddiogelwch drwy weithgareddau ymarferol, gweithdai rhyngweithiol, a straeon bywyd go iawn gan fenywod sy’n gweithio yn y diwydiannau technoleg a seiber.
Yn wreiddiol roedd y digwyddiad hwn ar gael i Ysgolion CyberFirst yn unig fel rhan o Fframwaith Ymgysylltu CyberFirst Cymru, ond rydym bellach yn agor y cyfle hwn i bob ysgol uwchradd yn Ne Ddwyrain Cymru sydd am rymuso menywod ifanc i archwilio byd cyffrous gyrfaoedd digidol.
Beth i’w ddisgwyl
Bydd disgyblion yn cymryd rhan mewn amrywiaeth o weithgareddau wedi’u cynllunio i feithrin hyder, datblygu sgiliau, ac agor eu llygaid i’r ystod eang o gyfleoedd sydd ar gael ym maes seiberddiogelwch a thechnoleg.
Byddant yn cwrdd ac yn dysgu gan weithwyr proffesiynol sy’n cynrychioli rhai o’r cyflogwyr technoleg mwyaf dylanwadol yng Nghymru a’r DU, gan gynnwys:
🔹 Prifysgol Abertawe
🔹 Thales
🔹 PwC
🔹 Itsus Consulting
🔹 Admiral
🔹 Wales & West Utilities
🔹 Y Swyddfa Eiddo Deallusol (IPO)
🔹 Y Swyddfa Ystadegau Gwladol (ONS)
🔹 Sudo Cyber
🔹 Fortinet
🔹 Prifysgol Metropolitan Caerdydd
Mae’r sefydliadau hyn oll yn frwd dros ysbrydoli’r genhedlaeth nesaf o dalent seiber ac am roi cyfle i bobl ifanc o bob cefndir weld eu hunain yn y maes cyffrous hwn sy’n tyfu’n gyflym.
Manylion y digwyddiad
📅 Dyddiad: Dydd Iau 27 Mehefin 2025
🕘 Amser: 9:30am–2:30pm
📍 Lleoliad: Campws Llandaf, Prifysgol Metropolitan Caerdydd
🎯 Pwy: Merched Blwyddyn 10 (a myfyrwyr anneuaidd sy’n gyfforddus mewn amgylchedd sy’n canolbwyntio ar ferched)
💰 Cost: Am ddim i ysgolion – gan gynnwys yr holl weithgareddau a deunyddiau
🥪 Cinio: Wedi’i gynnwys i’r holl ddisgyblion a staff sy’n mynychu
Pam cymryd rhan?
• Cynnwys eich disgyblion mewn diwrnod hwyliog, ymarferol na fyddant byth yn ei anghofio
• Cysylltu nhw â gweithwyr proffesiynol seiber benywaidd a modelau rôl ysbrydoledig
• Dangos sut mae cyfrifiadura a sgiliau digidol yn cysylltu â gyrfaoedd go iawn
• Cefnogi gwaith eich ysgol ar gydraddoldeb, ymgysylltu STEM, a dysgu digidol
• Annog merched i aros ar lwybrau Cyfrifiadura ac ystyried Cyfrifiadureg Lefel A
• Mae’r digwyddiad hwn wedi profi ei hun yn llwyddiannus wrth gefnogi amrywiaeth rhwng y rhywiau mewn cohortau Cyfrifiadureg Lefel A
Sut i gofrestru
Mae lleoedd yn gyfyngedig ac yn cael eu dyrannu ar sail y cyntaf i’r felin.
I gofrestru eich diddordeb, anfonwch e-bost at [email protected] gyda’r manylion canlynol:
• Enw eich ysgol
• Nifer y disgyblion yr hoffech ddod gyda chi
• Enw, rhif ffôn ac e-bost y prif gyswllt
Byddwn yn cadarnhau lleoedd cyn gynted â phosibl — peidiwch â cholli’r cyfle hwn i ysbrydoli eich disgyblion a rhoi mantais gynnar iddynt ym maes seiber!
