Ysgolion a Cholegau

Os ydych yn ysgol neu’n goleg yng Nghymru ac os ydych yn anelu at ysbrydoli rhagor o ddysgwyr i ymddiddori mewn technoleg, cyfrifiadura neu dechnoleg seiber, mae CyberFirst yn cynnig amrywiaeth eang o gyfleoedd a mentrau cyffrous.

Beth yw’r Wobr CyberFirst?

Mae’r Wobr CyberFirst yn rhoi cydnabyddiaeth i ysgolion a cholegau fel arweinwyr cenedlaethol mewn addysg Seiber a Chyfrifiadura – cydnabyddiaeth a ategir gan y llywodraeth.

Bydd sefydliadau o’r fath yn ymuno â rhwydwaith o ysgogwyr newid, gan gael mynediad at bartneriaethau gyda’r byd diwydiant, digwyddiadau, gweithgareddau ac adnoddau – a gyflwynir i bob grŵp blwyddyn trwy gyfrwng Rhwydwaith Ymgysylltu CyberFirst Cymru.

Pam ddylwn i wneud cais am Wobr CyberFirst?

Yn ogystal â chael cydnabyddiaeth gan y Ganolfan Seiberddiogelwch Genedlaethol, bydd y wobr hefyd yn cynnig y canlynol:

Fframwaith ymgysylltu teilwredig sy’n ymwreiddio’r arfer o ddatblygu sgiliau’n barhaus
Partneriaeth un-i-un gyda busnes technoleg (ysgolion yn unig)
Cyfleoedd pwrpasol i gyfoethogi’r cwricwlwm, a gaiff eu harwain gan y byd diwydiant
Arweiniad gyrfaoedd arbenigol a phrofiadau cysylltiedig â gwaith
Cyfleoedd dysgu proffesiynol i athrawon
Cymorth gyda seilwaith seiberddiogelwch mewn ysgolion

Mae dysgwyr yn archwilio technoleg mewn ffyrdd newydd ac cyffrous – ac rydym eisoes yn gweld diddordeb cynyddol mewn Gwyddor Cyfrifiadurol.

Joseph Hamer

Corpus Christi Catholic High School, Cardiff

Y Fframwaith Ymgysylltu

Mae’r fframwaith ymgysylltu’n canolbwyntio ar gyflwyno ymyriadau ar yr adeg iawn o’r flwyddyn, gyda’r grŵp iawn o ddysgwyr, er mwyn cynyddu diddordeb mewn technoleg seiber a chyfrifiadura. Isod, nodir y gweithgareddau a’r digwyddiadau a dargedir at wahanol grwpiau blwyddyn:

Fforenseg Ddigidol

Disgrifiad
Gwisgwch eich siwtiau diogelu a rhowch gynnig ar fod yn arbenigwr fforenseg ddigidol wrth ein helpu i ddatrys dirgelwch y bar siocled coll.
Fformat
Training for teachers and an activity box packed with digital devices and investigation tools for learners to explore.

Enigma

Disgrifiad
Camwch i Barc Bletchley yr Ail Ryfel Byd er mwyn helpu i ddatrys y cod Enigma ac achub llongau rhyfel yn y profiad trawsgwricwlaidd a hynod ddiddorol hwn lle cewch gyfle i ddatrys codau.
Fformat
Ystafell drochi dros dro oddi mewn i ystafell, yn llawn offer sy’n atgoffa rhywun o un o gytiau Parc Bletchley yn ystod yr Ail Ryfel Byd.

Rhagflas ar Gystadleuaeth y Merched

Disgrifiad
Casglwch eich merched blwyddyn 8 ynghyd ar gyfer sesiwn gyffrous lle ceir posau i’w datrys, er mwyn eu paratoi ar gyfer y gystadleuaeth genedlaethol fawreddog.
Fformat
Gweithgaredd awr o hyd a gyflwynir gan fodel rôl benywaidd.

Arloeswyr

Disgrifiad
Dewch i roi cynnig ar fod yn Haciwr Moesegol, archwiliwch AI (Deallusrwydd Artiffisial) a newyddion ffug, a defnyddiwch eich sgiliau datrys codau a’ch sgiliau ieithyddol i ddod o hyd i’r gwirionedd.

Fformat
Gwersi rhyngweithiol a fydd yn cyflwyno meysydd technoleg newydd a chyffrous, gan annog y dysgwyr i ddilyn cwrs TGAU mewn Cyfrifiadureg.

Anturiaethwyr

Disgrifiad
Camwch i’r byd dadansoddi chwaraeon a dewiswch dîm Quidditch gorau’r byd, gweithiwch mewn tîm a defnyddiwch resymeg i agor sêff, ac ewch ati i greu eich byd VR (Realiti Rhithwir) eich hun.
Fformat
Gwersi rhyngweithiol a fydd yn cyflwyno meysydd technoleg newydd a chyffrous, gan annog y dysgwyr i ddilyn cwrs TGAU mewn Cyfrifiadureg,

Grymuso Merched i Ymhél â Thechnoleg Seiber

Disgrifiad
Dewch i gyfarfod â’r menywod chwyldroadol sy’n paratoi’r ffordd ar gyfer y genhedlaeth nesaf o ddoniau technoleg trwy gyfrwng cyfleoedd rhwydweithio, gweithgareddau a gweithdai ysbrydoledig.
Fformat
Digwyddiad a fydd yn para diwrnod cyfan ac a fydd yn cael ei arwain gan y byd diwydiant ar gyfer merched blwyddyn 10 sydd â diddordeb mewn technoleg.

Cyfoethogi’r Cwricwlwm

Disgrifiad
Dysgwch gan yr arbenigwyr wrth i’ch Partner Diwydiant CyberFirst ddarparu gweithgareddau pwrpasol a fydd yn dod â’ch cwricwlwm yn fyw.
Fformat
Bydd y sesiynau’n cyd-fynd â’ch cwricwlwm, o sgyrsiau a gweithdai a gaiff eu harwain gan y byd diwydiant, i ymweliadau â chwmnïau technoleg.

Llwybrau Seiber

Disgrifiad
Chwalwch fythau’r byd technoleg a seiber trwy ddarganfod meysydd gwybodaeth gwahanol, cyfarfod â’r arbenigwyr a helpu’r dysgwyr i ganfod gyrfaoedd eu breuddwydion.
Fformat
Digwyddiad a fydd yn para diwrnod cyfan ac a fydd yn cael ei arwain gan y byd diwydiant ar gyfer dysgwyr sy’n astudio cymwysterau Cyfrifiadura neu sydd wedi dangos diddordeb mewn dilyn gyrfaoedd technoleg.

Llwybrau Seiber

Disgrifiad
Chwalwch fythau’r byd technoleg a seiber trwy ddarganfod meysydd gwybodaeth gwahanol, cyfarfod â’r arbenigwyr a helpu’r dysgwyr i ganfod gyrfaoedd eu breuddwydion.
Fformat
Digwyddiad a fydd yn para diwrnod cyfan ac a fydd yn cael ei arwain gan y byd diwydiant ar gyfer dysgwyr sy’n astudio cymwysterau Cyfrifiadura neu sydd wedi dangos diddordeb mewn dilyn gyrfaoedd technoleg.

Cyber Advanced

Disgrifiad
Cymerwch y camau nesaf tuag at yrfa mewn seiber drwy ddysgu gan y gorau a datrys rhai o’r problemau byd go iawn mwyaf heriol.
Fformat
5 diwrnod o weithdai yn ystod gwyliau ysgol, a gyflwynir mewn safleoedd mewn partneriaeth â lleoliadau partner ledled Cymru.

Cyber Aspire

Disgrifiad
Wedi’i dargedu’n benodol at grwpiau sy’n cael eu tanryngu, gan gynnwys merched a’r rhai o gefndiroedd economaidd isel, gweithgaredd “ystafell ddianc rhithwir” wedi’i gosod yn erbyn rhai o’r bygythiadau seiber mwyaf heriol a chyfoes.
Fformat
3 diwrnod yng nghanol mis Tachwedd a gyflwynir ar-lein.

Sgwrs: Y Cynllun Bwrsari a Gyrfaoedd

Disgrifiad
Dysgwch am gynllun bwrsari unigryw sy’n cynnig lleoliadau gwaith gwerthfawr a chyfleoedd a ariennir mewn prifysgolion.
Fformat
Sesiwn awr o hyd a gyflwynir i fyfyrwyr sydd wedi dangos diddordeb mewn dilyn gyrfaoedd yn ymwneud â Thechnoleg Seiber.

Gyda pha gwmni y gallwn weithio mewn partneriaeth?

O gwmnïau technoleg byd-eang i adrannau’r llywodraeth a busnesau bach a chanolig lleol sy’n ymhél â thechnoleg seiber – mae gan bob partner dimau yng Nghymru ac maent yn barod i gydweithio’n agos gyda’ch ysgol. Os oes gennych gwmni mewn golwg yn barod – gallwn weithio ar hyn gyda chi.

Gweler ein partneriaid cyfredol

A yw fy ysgol neu fy ngholeg yn gymwys i gael gwobr CyberFirst?

Nid perffeithrwydd sy’n bwysig – ond ymrwymo i wella eich addysg yn y maes Cyfrifiadura a Thechnoleg Seiber dros amser, gyda’n cymorth ni. Mae tair lefel yn perthyn i’r wobr (sef Efydd, Arian ac Aur), felly gallwch ddechrau o’ch man cychwyn presennol a datblygu.

Wobr Aur

Gofynion Isafswm:

Rydych eisoes yn cyflwyno 150+ munud (neu dair gwers) o Gyfrifiadura bob pythefnos ym Mynyddoedd 7 ac 8.
Rydych eisoes yn cynnig o leiaf 1 cymhwyster Cyfrifiadura ar gyfer pob Cyfnod Allweddol a addysgir.

Wobr Arian

Gofynion Isafswm:

Rydych eisoes yn cyflwyno 100+ munud (neu ddwy wers) o Gyfrifiadura bob pythefnos ym Mlynyddoedd 7 ac 8.
Rydych eisoes yn cynnig o leiaf 1 cymhwyster Cyfrifiadura ar gyfer pob Cyfnod Allweddol a addysgir.

Wobr Efydd

Gofynion Isafswm:

Cynllun a ategir gan y Tîm Uwch-reolwyr gogyfer cyflwyno o leiaf 100 munud (neu dwy wers) o Gyfrifiadura bob pythefnos ym Mlynyddoedd 7 ac 8.
Cynllun a ategir gan y Tîm Uwch-reolwyr gogyfer cyflwyno o leiaf 1 cymhwyster Cyfrifiadura ar gyfer pob Cyfnod Allweddol a addysgir.

Gofynion Sylfaenol ar gyfer Colegau: Rhaid ichi gynnig o leiaf un cymhwyster Cyfrifiadura eisoes.

Sut alla’ i wneud cais am wobr CyberFirst?

Bydd angen ichi lenwi cais – byddwn yn eich cynorthwyo trwy’r holl broses gydag adolygiadau drafft ac arweiniad gam wrth gam. Ni cheir dyddiad cau penodedig, felly gallwch gyflwyno eich cais pa bryd bynnag y byddwch yn teimlo’n hyderus i wneud hynny!

Cysylltwch â [email protected] i roi pethau ar droed