Gwnewch gais am Wobr Ysgolion a Cholegau CyberFirst yng Nghymru Heddiw

Os yw eich ysgol neu goleg yn frwd dros ysbrydoli pobl ifanc i ddilyn gyrfaoedd ym maes technoleg a seiberddiogelwch, mae Gwobr Ysgolion a Cholegau CyberFirst yn gyfle i wneud hynny’n swyddogol – ac erbyn hyn, mae’r broses ymgeisio’n haws nag erioed.

Gyda dim dyddiadau cau, cefnogaeth hyblyg, a phroses wedi’i symleiddio sy’n benodol i Gymru, nid yw erioed wedi bod yn amser gwell i gymryd rhan.

Beth yw Gwobr Ysgolion a Cholegau CyberFirst? 

Mae Gwobr Ysgolion a Cholegau CyberFirst yn cydnabod ysgolion a cholegau sy’n ymrwymedig i ddatblygu cenhedlaeth nesaf y dalent seiber yng Nghymru. Fe’i harweinir gan y Ganolfan Seiberddiogelwch Genedlaethol (NCSC), ond yma yng Nghymru caiff ei darparu gan Brifysgol De Cymru, ar y cyd â Phrifysgol Abertawe a Phrifysgol Bangor – gan roi iddi hunaniaeth Gymreig glir, gyda chefnogaeth leol ac arbenigedd diwydiannol.

Mae’r wobr yn dathlu’r ysgolion a’r colegau hynny sy’n codi dyheadau dysgwyr tuag at yrfaoedd ym maes technoleg a seiber, ac yn rhoi cydnabyddiaeth swyddogol i’r rheini sy’n mynd yr ail filltir gyda’r cwricwlwm digidol.

Ond nid gwobr yn unig yw hon – mae’n bartneriaeth. Mae ymgeiswyr llwyddiannus yn derbyn partner diwydiant penodol, mynediad at fframwaith unigryw o gyfleoedd cyfoethogi’r cwricwlwm, a chefnogaeth bwrpasol i gryfhau’r cwricwlwm, datblygiad staff ac ymgysylltiad â dysgwyr.

Beth sy’n newydd? 

Rydym wedi ailgynllunio’r broses ymgeisio gyda phenaethiaid a staff addysgu prysur yng Nghymru mewn golwg. Dyma’r prif newidiadau:

✅ Dim dyddiadau cau

Ymgeisiwch pan fydd yn gweithio i chi. Mae’r broses bellach yn barhaus – felly gallwch ei hamseru o amgylch eich llwyth gwaith a blaenoriaethau eich hun.

✅ Cyflwyniad meddal

Ystyriwch hyn fel ymarfer cychwynnol. Gallwch gyflwyno drafft cyntaf i gael adborth cyn mynd ymlaen i’r asesiad terfynol – ffordd ddi-risg i adnabod bylchau a magu hyder.

✅ Cefnogaeth gam wrth gam

Mae ein tîm wrth law i’ch cefnogi ar bob cam – o gyngor ar gyfarfod cychwynnol i’r archwiliad terfynol. Mae’r broses wedi’i thorri lawr yn gamau clir, gyda dogfen ganllaw fanwl i sicrhau eich bod yn gwybod beth i’w wneud nesaf.

✅ Rhannu’r llwyth gwaith

Does dim rhaid i chi wneud hyn ar eich pen eich hun. Mewn gwirionedd, mae ceisiadau cydweithredol yn sgorio’n uwch. Gallwn helpu i drefnu cyfarfod cychwynnol, dosbarthu tasgau ymhlith cydweithwyr, a chreu tîm o’ch cwmpas – o arweinwyr Cyfrifiadureg a staff gyrfaoedd i’r uwch dîm arwain a llywodraethwyr.

Pam ddylech chi ymgeisio? 

Y tu hwnt i gydnabyddiaeth gan y NCSC, mae ysgolion a cholegau a enillodd y wobr yng Nghymru yn cael: 

• Partner diwydiant penodol i gefnogi eich gweithgareddau cyfrifiadureg a seiber 
• Fframwaith ymgysylltu drwy’r flwyddyn gyda modelau rôl ysbrydoledig 
• Gwahoddiadau i ddigwyddiadau CyberFirst yn unig i ddysgwyr a staff 
• Cyfleoedd i hyrwyddo’ch ysgol neu goleg yn genedlaethol fel arweinydd ym maes addysg dechnolegol 
• Cefnogaeth bwrpasol i gryfhau addysgu, y cwricwlwm a chyfleoedd cyfoethogi 

Mae hyd yn oed gwobr Efydd yn agor y drws i’r pecyn llawn o gefnogaeth hon – ac mae’n gwbl rhad ac am ddim. 

“Trwy CyberFirst rydym wedi gallu ehangu dealltwriaeth ein disgyblion o gyfrifiadureg, codio a sgiliau seiber. Mae’r cynllun wedi agor y drws i gystadlaethau, gweithdai a gweithgareddau sy’n codi gwir ddiddordeb mewn amrywiaeth o bynciau. Rydym wedi gweld mwy o ddiddordeb mewn Cyfrifiadureg, ac yn edrych ymlaen at weithio gyda ITSUS i ddod â mewnwelediad diwydiannol yn uniongyrchol i’n cwricwlwm. Rydym yn falch iawn o fod yn Ysgol CyberFirst ac yn gyffrous am y dyfodol.”” 

— Joe Hamer, Athro Cyfrifiadureg, Ysgol Uwchradd Gatholig Corpus Christi, Caerdydd 

Rydym yma i helpu 

Does dim rhaid i’ch cais fod yn berffaith i ddechrau – dim ond ewyllys i ddatblygu’ch cynnig seiber a chyfrifiadureg. P’un a ydych yn ceisio am Efydd, Arian neu Aur, bydd tîm CyberFirst Cymru wrth eich ochr bob cam o’r ffordd. 

Os ydych yn barod i ddechrau – neu eisiau gwybod mwy am yr hyn sydd dan sylw – ewch i 👉 cyberfirstwales.co.uk/schools-and-colleges

Neu cysylltwch â ni drwy 📧 [email protected]